logo vvv rwbHerfstwandeltochten

herfstblad1

16 oktober 2016

Een eiland van mooi weer

Jan Koudehandjes

logo wandeltochten

“Wandeln in kötte mouw.”. Zo begun het verslag van de wandeltochten in 2014. En ofgelopen zundag was’t al niet aans. Schier weer moej ofdwingen zegt ze wel iens, maar feit is daj der niks an veraanderdn kunt en dat is maor goed ok. Ze hebt ’t wel geweldig tröffen, de goed zestig wandelaors die as met andaon hebt.

De helft hef keuzen ve

ur de kötte route en de aander helft veur de langere. Mooi verdield dus. Met dizze zestig dielnimmers en de roeme starttied krieg ie vanzölf daj niet op een kloetie loopt. Veul mensen stelt dat op pries. Met zuks schier weer is’t vaok drok in de bos, maor de routes gaot over plekken waor het aander volk haost niet komp. Rust dus en dat was der volop.

Bij terugkomst in het dörpshoes stun der een koppie tomatensoep of gruuntesoep klaor. Te heuren was dat de dielnimmers de routes arg mooi vunden. En, ze bint der aait, maor dizze keer maor hiel weinig, der bint der maor een paor een stukkie verkeert lopen.

Tevreden volk, tevreden bestuur, wat wul een mens nog meer. As de boel dan weer an kaant is, besef ie dat dit weer de leste activiteit was van dit jaor. ’t Bestuur is ok wel even an rust toe, want um het te laoten verlopen, zoas het verlopen is, is er wark verzet.

Dank aan de dielnimmers, an de vrijwilligers en veur het mooie weer! Tot een aander maol.

Klik hier voor de foto's!