logovvv

Jeu de Boule 2016

Jeu de Boule-middag

deur Jan Koudehandjes

Het weer veul biezunder met ofgelopen zaoterdagmiddag. Wat dat angiet had ’t wel harstikke drok kunnen wezen. Der was wat minder volk as waor op rekend was, maor dat betiekent dat der hiel veul happies beschikbaor waren veur die as wel met andeden.

Op de Jeu de Boule-baon was de stried der niet minder um. Nou is het Jeu de Boule now niet een spel waorbij ie kunt zeggen “’t Gung der um vot.”, maor in de zun kun de jas der bij oet. Starker nog, bij toeren stun het zwiet je op de rug, maor dat kan ok de concentratie west wezen.


Bij het sjoelen kuj wel zien dat de routiniers de kans niet veurbij hebt laoten gaon um de degens te kruzen. Under de 100 punten kwam ja haost niet veur. Mug dat wel zo wezen, dan was het, umdat het even ingooien was vanzölf, maor dat begriep ie toch ok wel?


Op verzuuk van Volksvermaoken had het beheer van het dörpshoes de befaomde kees, worst en komkommer klaormaokt, angevult met stokbrood met verschillend beleg. Der was genog en dus weur der stevig op trakteerd. De kovvie en thee weur ok anbeuden deur Volksvermaoken. Elk en ien kun de knip dus in de buus laoten.


Al met al een hiel gezellige middag. De dielnimmers, ’t dörpshoes en vrijwilligers wordt bedankt veur heur inzet. Tot een aander maol!

Meer foto's zien? Klik HIER!